स्वरसम्राट नारायण गोपाल कालजयी गीत ‘केही मिठो बात गर’ को म्युजिक भिडियो तयार भएको छ। गीतकार कालीप्रसाद रिजालको शब्द तथा नारायण गोपाल गुरुवाचार्यको स्वर र संगीत रहेको यो गीत रेकर्ड भएको ३५ वर्षपछि भिडियो तयार भएको हो।

बिहिवार जमलस्थित एउटा सिनेमा हलमा भिडियो सार्वजनिक गरिएको छ । यो गीत ०४५ सालमा म्युजिक नेपालको स्टुडियोमा रेकर्ड गरिएको थियो। नारायणगोपाल संगीत कोषसँगको सहकार्यमा म्युजिक नेपालले भिडियो निर्माण गरेको हो।

गीतको म्युजिक भिडियोमा नायिका केकी अधिकारी र दीपक भट्टको अभिनय छ । भिडियोमा चालिसको दशकको नेपालको परिवेशलाई  समेटिएको छ । सुव्रत आचार्यलेको निर्देशन रहेको भिडियोमा बिजेश पौडेलको सम्पादन, कलर तथा  भिएफएक्स  र उत्सव दाहालको सिनेमाटोग्राफी रहेको छ ।

नारायण गोपाल