समाचार अपराध सुरक्षा

बालअधिकारकर्मी नै यौन दुराचारी, अप्राकृतिक मैथुन गराएको आरोपमा ढकाल थुनामा

बालअधिकारकर्मी नै यौन दुराचारी, अप्राकृतिक मैथुन गराएको आरोपमा ढकाल थुनामा

मोरङका एक बालअधिकारकर्मी १२ वर्षिय बालकलाई अप्राकृतिक मैथुन गराएको आरोपमा पक्राउ परेका छन। उनलाई मोरङ जिल्ला अदालतले पुर्पक्षका लागि थुनामा राख्ने आदेश दिएको छ ।

गैर सरकारी संस्था महासंघ (गैसस) मोरङका अध्यक्ष समेत बालअधिकारकर्मी ५० वर्षीय राजेन्द्र ढकाललाई प्रहरीले पक्राउ गरेको थियो। जिल्ला सरकारी वकिल कार्यालयले ढकालविरुद्ध अदालतमा अप्राकृतिक मैथुन मुद्दा दर्ता गरेको थियो ।

सोही मुद्धाको सुनुवाईका क्रममा बुधबार न्यायाधीश गायत्रीप्रसाद रेग्मीको इजलासले उनलाई थुनामा राखेर मुद्दाको पुर्पक्ष गर्न आदेश दिएको अदालतका सूचना अधिकारी हेमबहादुर बुढाथोकीले बताए ।

एजुकेसन हेल्पलाइन मोरङका अध्यक्ष समेत रहेका ढकालमाथि विराटनगर महानगरपालिका–१२ का १२ वर्षीय बालकलाई अप्राकृतिक मैथुन गरेको आरोप छ । पीडित परिवारले किटानी जाहेरी दिएपछि गत भदौ १६ गते उनी पक्राउ परेका थिए।