समाचार

ओलीले आफनै गृह नगर पनि जोगाउन सकेनन्, दमकमा गठवन्धनको कब्जा

ओलीले आफनै गृह नगर पनि जोगाउन सकेनन्, दमकमा गठवन्धनको कब्जा

नेकपा एमालेका अध्यक्ष केपी शर्मा ओलीको गृहनगर दमकमा राष्ट्रिय प्रजातन्त्र पार्टीले कब्जा जनाएको छ। नेकपा एमालेका उम्मेदवारलाई ५५९ मतले हराउँदै दमकमा राप्रपाका मेयर निर्वाचित भएका छन् ।

मेयरमा निर्वाचित राप्रपाका राम थापाले १७ हजार ५२५ मत प्राप्त गरेका छन् भने एमालेकी गीता अधिकारीले १६ हजार ९६६ मत पाएको निर्वाचन अधिकृत केशव प्रसाद पन्तले जानकारी दिए । 

उपमेयरमा कांग्रेसकी रेगिना भट्टराई विजयी भएकी छन् । उपमेयरमा निर्वाचित रेगिनाले १७ हजार ७२ मत पाउँदा निकटतम प्रतिद्वन्द्वी एमालेका अम्बिकाप्रसाद खनालले १६ हजार ५७४ मत पाए ।

दमकमा कांग्रेस, माओवादी केन्द्र, एकीकृत समाजवादी, राप्रपा, जसपासहित ६ दलबीच गठबन्धन थियो भने एमाले एक्लै चुनावी मैदानमा उत्रिएको थियो ।

१० वटा वडा रहेको दमक नगरपालिकामा कुल ३९७३६ मत खसेको थियो। ०७४ सालको स्थानीय तह निर्वाचनमा यो नगरपालिकामा मेयर र उपमेयर दुवैमा एमालेका उम्मेदवार निर्वाचित भएका थिए ।
 

विशेष