समाचार राजनीति

चुनावको नतिजाले गठवन्धनमा तिव्र असन्तुष्टिः कांग्रेस र माओवादीले मात्रै लाभ लिए

चुनावको नतिजाले गठवन्धनमा तिव्र असन्तुष्टिः कांग्रेस र माओवादीले मात्रै लाभ लिए

नेकपा एमाले सिध्याउने एक मात्रै उदेश्य वोकेर स्थानीय तह निर्वाचनमा तालमेल गरेका सत्तारुढ गठवनका नेताहरुमा निर्वाचनको नतिजा सार्वजनिक हुँदै गर्दा तिव्र असन्तुष्टि सुरु भएको छ। खास गरी नेपाली कांग्रेस र माओवादीप्रति अन्य दलहरुको असन्तुष्टि छ।
    
नेकपा एकिकृत समाजवादीले निर्वाचनमा कांग्रेसले धोका दिएको निस्कर्ष सुनाउँना साथ जसपाका संघीय परिषद अध्यक्ष एवम् पूर्वप्रधानमन्त्री बाबुराम भट्टराईले कांग्रेस र माओवादीले मात्रै गठवन्धनबाट लाभ लिएको प्रतिक्रिया दिएका छन् ।

मंगलबारको प्रतिनिधिसभा बैठकपछि सञ्चारकर्मीहरुसँग कुराकानी गर्दै उनले कांग्रेस र माओवादीले सेटिङमा लाभ लिएको आरोप लगाए । आफू विगतदेखि नै गठबन्धनको विपक्षमा रहेको उल्लेख गर्दै उनले स्थानीय तह निर्वाचनमा गरिएको गठबन्धन असफल भएको दावी पनि गरे।

‘गठबन्धनको विषयमा त मेरो पहिलेदेखि नै धारणा थियो, यो स्थानीय तहका मुद्दाहरु, स्थानीय जनतालाई पार्टी नेताहरुलाई थाहा हुन्छ । केन्द्रबाट नै गरेर टुंगो लाग्ने विषय यो होइन,’ उनले भने, ‘त्यसैले हामीले जुन अलिकति अभ्यास गर्न खोजियो त्यो सफल भएन । केही दलहरुलाई खासगरी कांग्रेस र माओवादीलाई उहाँहरुले अलिकति सेटिङ गर्नुभयो केही लाभ भयो । तर त्यो पनि उहाँहरु आपसमा तल मिलेजस्तो देखिएन ।’

जनता समाजवादी पार्टी अहिलेसम्मको नतिजाअनुसार ४ ठाउँमा विजयी भएको छ भने ३० पालिकामा अगाडि छ । जसपाले अहिलेसम्म ओखलढुंगाको खिजिदेम्बा, धनुषाको जनकनन्दिनी, सिरहाको नवराजपुर र बाराको करैयामाईमा प्रमुख पद जितेको छ । भट्टराईको गृहनगर पालुङटारमा जसपाले एमालेसँग तालमेल गरेको थियो । जसपाले मेयर पद लिएर एमालेले उपमेयर लिने सहमति भएको थियो । अहिलेसम्मको अवस्था जसपाका लागि सन्तोषजनक छैन। 

माधव नेपालको निस्कर्षः कांग्रेसले धोका दियो, गम्भिर समिक्षा गर्छौं

विशेष