समाचार विदेश

अफगानिस्तानमा पाँच कोइला खानीमा काम गर्ने मजदुरको गोली हानी हत्या

अफगानिस्तानमा पाँच कोइला खानीमा काम गर्ने मजदुरको गोली हानी हत्या

 

काबुल- उत्तरी समंगन प्रान्तका स्थानीय अधिकारीहरूले अज्ञात बन्दुकधारीहरूले प्रान्तको एक कोइला खानीका पाँच खानी कामदारको गोली हानी हत्या गरेको पुष्टि गरेका छन्।

राज्यद्वारा सञ्‍चालित बख्तर समाचार एजेन्सीले स्थानीय तालिबान अधिकारीहरूलाई उद्धृत गर्दै बाल्ख प्रान्तको सिमानामा रहेको प्रान्तको दारा-ए-सोफ जिल्लाको कोटल रेगी क्षेत्रमा उक्त घटना भएको जनाएको छ। 

बख्तर समाचार एजेन्सीको रिपोर्ट अनुसार खानीमा काम गर्नेहरूलाई सुरुमा लुटपाट गरिएको र पछि गोली हानिएको थियो।

घटनाका पीडितहरू सबै जिल्लाका मूल निवासी हजारा समुदायका रहेको बताइएको छ। अहिलेसम्म कुनै पनि समूहले हत्याको जिम्मेवारी लिएको छैन ।

अफगानिस्तानमा हालैका घटनाहरू जसले दशौं सर्वसाधारणको हत्याको परिणामस्वरूप देशलाई सुरक्षित गर्ने तालिवानको प्रतिबद्धतालाई छायामा पारेको छ। अगस्तमा तालिबानले सत्ता गरेपछि कोइला खानीमा भएको यो पहिलो घटना हो।