समाचार Breaking News अर्थ मुख्य समाचार ताजा खबर समाज देश

बाढी प्रभावित जिल्लाका लागि भारतले उपलब्ध गरायो आपतकालिन राहत सामाग्री

बाढी प्रभावित जिल्लाका लागि भारतले उपलब्ध गरायो आपतकालिन राहत सामाग्री

काठमाडौं । नेपालमा बाढीबाट प्रभावित विभिन्न ५ जिल्लाको लागि भारत सरकारले आपतकालिन राहत सामाग्री उपलब्ध गराएको छ । बाढीबाट प्रभावित विभिन्न ५ जिल्लामा टेन्ट तथा त्रिपाल लगायतका उक्त राहत सामाग्रीहरु पीडित परिवारहरुलाई वितरण गरिने नेपालस्थित भारतीय दूतावासले जनाएको छ ।

आज एक कार्यक्रमकाबीच भारत सरकारको तर्फबाट भारतीय राजदूतावासका नियोग उप–प्रमुख नामग्य सी खम्पाले प्रतिनिधिसभा सदस्य तथा नेपाल–भारत महिला मैत्री समाजकी अध्यक्ष चन्दा चौधरीलाई आपतकालीन राहत सामग्री हस्तान्तरण गरेकी हुन् ।

बाढी र पहिरोका कारण हालसालै भएको विनाश र जनधनको क्षतिलाई ध्यानमा राख्दै यी राहत सामग्रीहरु नेपाल–भारत महिला मैत्री समाजले प्रदेश नम्बर २, ३, ५ र ७ का कैलाली, महोत्तरी, नवलपरासी, सर्लाही र सिन्धुपाल्चोक जिल्लाका स्थानीय सरकारसँग समन्वय गरी वितरण गर्नेछ । भारत सरकारको नियमित मानवीय सहयोग तथा आपतकालीन राहत सहायता अन्तर्गत उक्त राहत सामाग्री नेपाललाई वितरण गरेको दूतावासले जनाएको छ ।