प्रवास

७ हजार नेपाली रहेको कोरियाको थेगु शहरमा कोरोनाको महामारी

७ हजार नेपाली रहेको कोरियाको थेगु शहरमा कोरोनाको महामारी

काठमाडौंः दक्षिण कोरियाको राजधानी सोलदेखि तीन किलोमिटर दक्षिणको ख्याङसान क्षेत्रमा पर्छ थेगु शहर । यही शहरमा काम गर्ने आङपासाङ शेर्पा केही दिनयता निकै बेचैन छन्, कारण सहरमा फैलिइरहेको कोरोना भाइरसको संक्रमण ।

कोरियाको चौथो ठूलो शहर थेगुमा विभिन्न कम्पनीहरु छन्। कामका लागि कोरिया पुगेका विभिन्न देशका कामदारको यहाँ उल्लेख्य उपस्थिति छ। तर, थेगुमा केही दिनयता हवात्तै फैलिएको कोरोना संक्रमणका कारण ती कामदार त्रासमा बसिरहेका छन् । थेगुमा शनिबार मात्रै २२९ जनामा भाइरसको संक्रमण भएको छ ।

योसँगै कोरियामा कोरोना संक्रमितको संख्या ४३३ पुगेको छ। दुईको मृत्यु भएको छ। थेगु र आसपासका क्षेत्रमा सात हजार नेपाली इपिएसमार्फत काम गरिरहेका छन्।

भाइरसको संक्रमण बढ्दै जाँदा सहरमा दैनिक उपभोग्य सामानको अभाव हुन थालेको थेगुमै काम गरिरहेकी पार्वती वाइबाले बताइन्। यो समाचार कान्तिपुर दैनिकबाट लिइएको हो । 

दक्षिण कोरिया कोरोना भाइरस थेगु शहर