प्रवास

अमेरिका सवारी दुर्घटनामा ३ नेपालीको मृत्यु, २ घाइते

अमेरिका सवारी दुर्घटनामा ३ नेपालीको मृत्यु, २ घाइते

काठमाडौं : अमेरिकाको मिजुरी राज्यममा भएको एक सवारी दुर्घटनामा तीन नेपालीको मृत्यु भएको छ भने दुईजना घाइते भएका छन्।

मंगलबार भएको उक्त घटनामा श्रद्धा खनाल ओझा, उनका बुवा गोविन्द खनाल र आमा शान्ता खनालको मृत्यु भएको स्थानीय प्रहरीले जनाएको छ। उक्त घटनामा श्रद्धाका श्रीमान् प्रभाष ओझा र ४ वर्षीय छोरा घाइते भएका हुन्।

स्थानीय जोप्लिन प्रहरीका अनुसार घाइते दुवैको स्थानीय अस्पतालमा उपचार भइरहेको छ। प्रभाषको अवस्था स्थिर छ भने छोराको अवस्था गम्भीर रहेको छ।

प्रभाष आफ्नो टोयोटा आरएभी ४ मा मिजुरी २४९ को अन्तरराज्य राजमार्ग ४४ पूर्वतर्फ गइरहेका थिए। सोही क्रममा ट्राफिक बत्तीमा गाडी रोखिराखेको अवस्थामा पछाडिबाट आएको पिकअप ट्रकले ठक्कर दिएको थियो।

श्रद्धा र प्रभाश अगाडि सिटमा थिए भने अरू पछाडिको सिटमा रहेको बताइएको छ। गोविन्दलाई घटनास्थलमा, तथा श्रद्धा र आमा शान्तालाई अस्पताल मृत घोषित गरिएको थियो।

पछाडिबाट ठोक्काउने गाडीको चालकको नाम सार्वजनिक गरिएको छैन्। घटनाबारे प्रहरीले अनुसन्धान गरिरहेको जनाएको छ।

ओझाको परिवार स्थानीय ब्ल्यु स्प्रिङ्समा बस्दै आएको छ। श्रद्धाका बुवाआमा केही समय पहिला अमेरिका गुम्न आएका थिए।

अमेरिका दुर्घटना

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्