समाचार

गहना चाेरले महिलाको आँखा फुटाएर हत्या गरे

गहना चाेरले महिलाको आँखा फुटाएर हत्या गरे

नवलपरासी । नवलपरासीको गैंडाकोटमा आफ्नै घरमा मृत अवस्थामा भेटिएकी महिलाको गरगहना लुटिएर हत्या भएको प्रहरीले जनाएको छ ।
घरमा एक्लै बस्दै आएकी गैंडाकोट १५ मनकामना टोलका ७० वर्षीया ज्येष्ठ नागरिक भुमादेवी खत्री आफ्नै घरमा मृत अवस्थामा भेटिएकी थिइन ।
उनको मंगलबार राति मृत्यु भएको भएपनि प्रहरीले बुधबार विहान मात्र मुचुल्का उठाएको थियो ।

उनको शव भान्छा कोठाको भाडा माझ्ने स्थानमा घोप्टो परेको अवस्थामा फेला परेको थियो । उनको कान, टाउको र अनुहारमा चोट लागेको छ । धारियो हतियार प्रहार नगरेको भएपनि उनलाई गहना लुट्ने क्रममा कुटपिट गरेर हत्या गरेको प्रहरीले प्रारम्भिक अनुमान गरेको छ ।

उनको शरिरमा भएको गहना चोरी भएको प्रहरीले अनुमान गरेपनि के कति चोरी भएको खुलेको छैन । उनको तीन छोरा जापान र अष्ट्रेलियामा बस्दै आएका र उनी घर एक्लै बस्दै आएकी थिइन् ।

प्रहरीलाई मंगलबार राति वडा अध्यक्षले खबर गरेर घर जाँदा खत्री मृत अवस्थामा भेटिएकी थिइन । वडाअध्यक्षलाई स्थानीयले खबर गरेका थिए ।
उनको आँखा फुटेको, टाउको, कान अनुहारबाट रगत बगेको घटनास्थलमा पुगेका प्रहरीले जनाएका छन् । घटनामा सम्लग्न रहेको आशंकामा खोटाङको खिचापोखरी घर भई हाल गैडाकोट १५ बेल्डियामा बस्दै आएका ३६ बर्षीय अर्जुन खड्कालाई पक्राउ गरेको छ ।

गहना चोर

यस्ता छन् नेपाल टेलिकमका सस्ताे दरका डाटा प्याक योजना

नेपाल टेलिकमले सस्तो दरको भ्वाइस प्याक, डाटा प्याकलगायतका प्याक उपभोक्तालाई दिइरहेको छ। जसमा अल टाइम भ्वाइस प्याक, नाइट टाइम भ्वाइस प्याक, डे प्याक तथा विधिन्न किसिमका डाटा प्याकहरूका योजना रहेका छन्। योजनामा टेलिकमले एक अर्कामा असिमित रूपमा कल गर्नुका साथै थप डाटा, एसएमएस सुविधासमेत प्रयोग गर्न सकिने प्याकेजसमेत उपलब्ध गराइरहेको छ।  

पुरा पढ्नुहोस्