उपनिर्वाचन तयारी तीव्र, असोज १ बाट मतदाता नामावली अद्यावधिक गरिने

उपनिर्वाचन तयारी तीव्र, असोज १ बाट मतदाता नामावली अद्यावधिक गरिने

काठमाडौँ । निर्वाचन आयोगले आगामी मङ्सिर १४ मा हुने उपनिर्वाचनका लागि मतदातानामावली अद्यावधिक गर्ने काम थालेको छ । उपनिर्वाचनका लागि सङ्कलन गरिएको नामावलीसम्बन्धी अध्यावधिक गर्ने काम असोज १ गतेदेखि सुरु हुने भएको छ ।

जसअनुसार मतदाता नामावली प्रकाशन असोज १ गते, २ गते नाम सच्याउने, ७ गते सच्याएको नाम छानबिन गरी अभिलेखमा अद्यावधिक गर्ने, ८ गते सच्याएको नाम सूचना पार्टीमा टाँस्ने र नामावली प्रकाशित गर्ने तथा १० गते अद्यावधिक गरिएको अन्तिम नाम जिल्ला निर्वाचन कार्यालयमा बुझाउने कार्यक्रम रहेको निर्वाचन आयोगले जनाएको छ ।

देशभर ३७ जिल्लाका १ सय ५४ वडामा ४ लाख ४७ हजार ७ सय ९२ मतदाताको नामावली विवरण तयार गरी आद्यावधिक कार्यक्रम प्रयोजनका लागि सम्बन्धित जिल्लामा पठाई सकिएकोे आयोगका प्रवक्ता शङ्करप्रसाद खरेलले जानकारी दिए । नाम दर्ता विहान १० देखि ५ बजेसम्म रहने र बिदाको दिनमा पनि सञ्चालन हुनेछ ।

प्रतिनिधिसभा सदस्य, प्रदेशसभा सदस्य र स्थानीय तहका गरी विभिन्न ५१ पदका लागि हुने मंसिर १४ गते उपनिर्वाचन हुँदैछ । निर्वाचन आयोगका अनुसार मतदाता नामावली तयार गर्ने सिलसिलामा उपनिर्वाचन हुने ३७ जिल्लाका १ सय ५४ वडा कार्यालयमा रहने सहायक नाम दर्ता अधिकारीको कार्यालयमा मतदाता नामावली अद्यावधिक कार्यक्रम हुनेछ ।

निर्वाचन सञ्चालन हुने सम्बन्धित वडाका मतदातालाई आ–आफ्नो वडा कार्यालयमा सम्पर्क गरी मतदाता नामावलीमा रहेका त्रुटि सच्याउने, उजुरी दिने, दोहोरो नाम हटाउने, मृत्यु भएका, नागरिकता रद्दरत्याग गरेका मतदाताको नाम हटाई शुद्ध मतदाता नामावली तयार गर्ने कार्यमा सहयोग गर्न आयोगले सबैमा अनुरोध गरेको छ । 
 

संम्बधित खबर

ADVERTISEMENT