भिडियो Breaking News कभर स्टोरी

उपेन्द्र यादव जेल जान्छन्, बाबुराम प्रधानमन्त्री हुन्छन् (भिडियोसहित) 

उपेन्द्र यादव जेल जान्छन्, बाबुराम प्रधानमन्त्री हुन्छन्  (भिडियोसहित) 

मधेशी नागरिक समाजका संयोजक गणेशकुमार मण्डल निकट भविष्यमै मुलुकमा राजनीतिक परिवर्तन हुने र यसले अहिलेको संघीय लोकतान्त्रिक गणतान्त्रिक व्यवस्थालाई नै समाप्त गर्ने दावी गर्छन् । उनका अनुसार चाँडै मुलुकमा धार्मिक युद्धको अवस्था उत्पन्न हुने र त्यसपछि शासन सत्ता सेनाले हातमा लिने छ । 

नेपाल आजसंगको कुराकानीमा संयोजक मण्डलले राष्ट्रिय राजनीति र मधेश केन्द्रीत दलहरुका विषयमा केही गम्भीर तथ्य खुलाएका छन् । ती मध्ये केही महत्वपूर्ण अंश यस्ता छन् :

क) प्रदेश नम्बर २ अर्थात मधेशमा आफूलाई मधेश केन्द्रीत भन्ने समाजवादी पार्टी र राजपाको अस्तित्व समाप्त हुँदैछ । मधेशको नाममा आफू धनी बने तर त्यहाँका जनतामाथि शोषण मात्र गरे । यो कुरा जनताले बुझिसके । 

ख) गौर हत्याकाण्डबाट उदाएका समाजवादी पार्टीका अध्यक्ष उपेन्द्र यादव जेल जाने निश्चित छ । उनले मधेशी जनता र आफना मालिक (ओली र प्रचण्ड) लाई समेत धोका दिएका छन् । दोहोरो चेपुवामा परेका उपेन्द्रविरुद्ध अब गौर हत्याकाण्ड र उनले गरेको भ्रष्टाचारको फाइल खुल्न थालेको छ । 

ग) उपेन्द्र यादवले सधैं झूठ बोलेर सत्ताको स्वाद चाखे । उपेन्द्रले भनेको के कुरा पूरा भयो ? उनले एक मधेश एक प्रदेश भने, पूरा भयो ? समावेशी समानुपातिक भने पूरा भयो ? पछि गएर एक मधेश दुई प्रदेश भने, पूरा भयो ? संविधान पुनर्लेखन भयो ? 

घ) चर्का नारा लगाएर मधेशमा आन्दोलन उछाल्ने, मधेशी जनतालाई शहीद बनाउने अनि आफू मन्त्री बन्ने उपेन्द्रको जेल यात्रा कसैले रोक्न सक्दैन । 

ङ) उपेन्द्र जेल गएपछि डा. बाबुराम भट्टराईको भाग्य खुल्छ । समाजवादी पार्टी उनैले चलाउँछन्, उनी प्रधानमन्त्री पनि बन्छन् । 

च ) राजपा चाँडै सरकारमा जान्छ । सरकारमा नगए प्रधानमन्त्री केपी शर्मा ओली र नेकपाका अध्यक्ष पुष्पकमल दाहालले सो पार्टीका नेताविरुद्ध एक्सन लिन्छन् । त्यो भनेको उनीहरुले गरेको भ्रष्टाचारको फाइल खोल्ने हो । जेल जानु भन्दा राजपा आफनो चरित्र अनुसार सरकारमा जाने छ । 

छ ) राजपाले सरकारमा जान राखेका कुनैपनि शर्त पूरा हुँदैनन् । लाल आयोगको प्रतिवेदन पनि सार्वजनिक हुँदैन र रेशम चौधरी पनि रिहा हुँदैनन् । यसका बावजुत् उनीहरु सरकारमा जानेछन् । 

ज ) यदि सरकारले रेशम चौधरीलाई रिहा गरे नेकपा समाप्त हुनेछ । नेकपाका हरेक तहका कमिटीमा मारामार हुनेछ । 

झ ) टिकापुर घटना र गौर काण्डमा के फरक छ ? यी दुवै घटना शान्ति प्रक्रिया भित्र पर्दैनन् । दुवै आपराधिक घटना हुन् । एउटै प्रकृतिका घटनामा रेशम जेल जाने, उपेन्द्र मन्त्री हुने ? 

ञ ) प्रदेश २ मा राजपा र समाजवादीले चलाएको सरकार पूर्णतः असफल भैसक्यो । त्यहाँ जंगली राज छ । कुनै नीति, नियम, कानुन छैन । भ्रष्टाचार मात्र छ । अर्को शब्दमा भन्ने हो भने प्रदेश २ सरकार भ्रष्टाचारको विश्वविद्यालय हो । कसैलाई भ्रष्टाचार कसरी गर्ने भन्ने सिक्नु छ भने प्रदेश २ मा गए हुन्छ । 

ट ) यदि मधेशी शक्ति बलियो बनाउने हो भने समाजवादी, राजपा, हृदयेश त्रिपाठीको स्वतन्त्र अभियान, सिके राउत, लक्ष्मण थारु लगायतको समूह एकै ठाउँ उभिनुपर्छ । सबै शक्ति एक भएर टुँडीखेलमा एउटा कार्यक्रम गरुन त, यो देशको राजनीतिक नक्शा नै परिवर्तन हुन्छ । के यी नेताहरु आपसमा मिल्न सक्छन् ?

ठ ) मुलुक सही ढंगले चलेको छैन । केन्द्र सरकारले पनि उत्पादनमा ध्यान दिएको छैन । मागेर देश चल्दैन । बेरोजगारी बढ्न्, महंगी हुनु, असुरक्षा बढ्नु सबै आर्थिक संकटका परिणामहरु हुन् । यीनले जनआक्रोश बढाएको छ । 

ड ) अब हुने भनेको धार्मिक द्वन्द्व हो । पहाडी र तराई क्षेत्रमा बढी यसको अशर पर्नेछ । यसले समाजलाई अस्तव्यस्त पार्नेछ । त्यो बेला सेनाले शासन सत्ता हातमा लिन सक्छ ।