मुख्य समाचार

उपनिर्वाचनः कास्की–२ मा नेकपा उम्मेदवार भट्टराइको अग्रता

उपनिर्वाचनः कास्की–२ मा नेकपा उम्मेदवार भट्टराइको अग्रता

पोखराः प्रतिनिधिसभा सदस्यका लागि कास्की क्षेत्र नं. २ मा नेपाल कम्युनिष्ट पार्टी (नेकपा) का उमेदवार विद्या भट्टराइले अग्रता लिएका छिन् । राति अबेरबाट सुरु गरिएको मतगणनामा बिहानसम्म पोखरा महानगरपालिका वडा नं. ३३ को पाँच हजार ६४२ मत गणना गरेर सकिएको छ ।

पछिल्लो मतपरिणाम अनुसार नेकपाका उमेदवार विद्या भट्टराईले तीन हजार २७६, नेपाली काँग्रेसका उमेदवार खेमराज पौडेलले दुई हजार २१५, समाजवादी पाटीका धर्मराज गुरुङले ९५, राप्रपाका रोमबहादुर भण्डारीले ३७ र साझा पार्टीका रजनी केसीले ३२ मत प्राप्त गरेकी छन् । 

७१ हजार ८७१ मतदाता रहेको कास्की २ मा ४५ हजार ५६३ मत खसेको थियो । पोखरा महानगरपालिकाका ११ वटा वडा समावेश उक्त क्षेत्रको निर्वाचनमा नेपाल कम्युनिष्ट पार्टी (नेकपा) बाट विद्या भट्टराई, नेपाली काँग्रेसबाट खेमराज पौडेल, समाजवादीबाट धर्मराज गुरुङ, राप्रपाबाट रोमबहादुर भण्डारी, साझा पार्टीबाट रजनी केसी, नेपाली काँग्रेस (विपी) बाट चन्द्रबहादुर रानाभाट, राष्ट्रिय जनमुक्ति पार्टीबाट पूर्णबहादुर राना, नेकपा (माले) बाट टेकनाथ भण्डारी, राष्ट्रिय प्रजातन्त्र पार्टी (संयुक्त) बाट गंगा मल्ल, मंगोल नेशनल अग्रनाइजेसनबाट रियाज गुरुङ, देशभक्त समाजबाट विरबहादुर विश्वकर्मा तथा स्वतन्त्र रुपमा उमानाथ गौतम, कमलजंग कुवर, जमुना शर्मा, दीपक रेग्मी, नवराज बास्तोला, यज्ञप्रसाद पंगेनी, रनबहादुर दमै, लक्ष्मी भुजेल, सुनिलबहादुर कोइराला, सुनिल भुसाल प्रतिस्पर्धामा छन् । 
 

कास्की खेमराज पौडेल उपनिर्वाचन विद्या भट्टराइ