हाम्रो पात्रो विज्ञापन
अन्तरवार्ता भिडियो

ओली सरकार यसरी बदनाम होला भन्ने लागेको थिएन (भिडियोसहित) 

ओली सरकार यसरी बदनाम होला भन्ने लागेको थिएन (भिडियोसहित) 

सरकारमै बसेर सरकारको चर्को आलोचन गर्ने पार्टी हो– समाजवादी । पछिल्लो समय प्रधानमन्त्री केपी शर्मा ओलीले कि आचरण सुधार्न नभए सरकार छोड्न अध्यक्ष उपेन्द्र यादवलाई जनाउ दिइसक्दा पनि समाजवादी टसमस भएको छैन । 

समाजवादी पार्टीलाई सत्तालिप्साको गम्भीर आरोप लागिरहेका बेला सहअध्यक्ष राजेन्द्र श्रेष्ठले भने आउँदो केन्द्रीय समिति बैठकले सरकारबाट हट्न सक्ने निर्णय गर्ने संकेत गरे । सरकारको नेतृत्वले संविधान संशोधनप्रति रत्तिभर रुचि नदेखाएको र अधिनायकवादी शैलीमा अघि बढ्न खोजेको प्रष्ट भएपछि समाजवादी सरकारबाट हट्ने मुडमा पुगेको उनले बताए । 

">

सहअध्यक्ष श्रेष्ठ भन्छन्, ‘यो सरकार यति चाँडै यसरी बदनाम होला भन्ने सोचेको थिइँन । जनताको कामभन्दा पनि अधिनायकवादी शैली हावी हुन थाल्यो । आफ्नो प्रतिकूल हुँदा जे पनि सहमति गर्ने, अनुकूल हुँदा जसको पनि  तेजोबोध गर्ने नेतृत्वको आचरण छ । सरकारले ल्याएका विधेयक, प्रदेश प्रमुखको वर्खास्ती र नियुक्ति लगायत थुप्रै कामले अधिनायकवादी शैली देखाउँछ । यसको हामी विरोध गर्छौ ।’

सहअध्यक्ष श्रेष्ठका अनुसार यो सरकार पाँच वर्ष टिक्दैन । करिब दुई वर्ष सरकारले विताएपनि अब तीन वर्ष नचल्ने उनको दावी छ । नेकपाभित्रको आन्तरिक द्वन्द्व नै सरकार विघटन र नेकपा फुटको कारण बन्ने सम्भावना प्रबल छ । त्यस्तै परे ओलीले मध्यावधि निर्वाचन घोषणा गर्न सक्छन् । 
प्रधानमन्त्री ओलीको राष्ट्रवाद नश्लीय भएका कारण उनले आन्तरिक राष्ट्रिय एकता कायम गर्न सकेका छैनन् ।

बहुलतायुक्त राष्ट्रवाद हुनुपर्नेमा ओलीको नश्लीय सोच र चिन्तनले मुलुकलाई कमजोर बनाइरहेको छ । अहिले भारतसंगको सीमा विवाद, लिपुलेक, लिम्पियाधुरा र कालापानीको विवादमा उनी बोल्न नसक्नुको कारण पनि उनको झूठो राष्ट्रवादको नमूना हो । 

">

नेता श्रेष्ठ भन्छन्– ‘कुनैपनि अन्तर्राष्ट्रिय सीमा विवादको समाधान हामीले सुगौली सन्धिको आधारमा गर्नुपर्छ । भारतले आफनो नक्शामा नेपालको भूमि राख्नु गलत हो । भारतले गल्ती सच्याउनु पर्छ । नेपाली पक्षले आफनो सीमानाबारे जानकारी नराख्नु पनि ठूलो कमजोरी हो । ’

नेपालमा भइरहेको प्रदर्शनलाई भारत विरोधीका रुपमा लिनु हुँदैन । यो सर्वसाधारण जनताले देखाएको आफनो भूमिप्रतिको स्नेह हो । देशभक्ति प्रकट भएको हो । भारतसंगको विवाद कुटनीति तहबाटै सुल्झाउनुपर्छ । यो नै अन्तिम विधि हो । 

नेता श्रेष्ठका अनुसार राजपासंग समाजवादीको एकताका लागि विभिन्न चरणमा अनौपचारिक वार्ता भएपनि औपचारिक तहमा कुनै संवाद भएको छैन । राजपा समानुपातिक निर्वाचन प्रणालीमा आइसकेकाले सहमतिको सम्भावना बढ्दै गएको छ । प्रत्यक्ष निर्वाचित कार्यकारी राष्ट्रपतिको सवालमा मध्यविन्दु खोज्न सकिन्छ । 

">

सीमा विवाद समाजवादी