समाचार प्रविधि

हृदयघातका विरामीलाई चाहिने एप अाफ्नाे माेवार्इलमा डाउनलाेड गरिहाल्नुहाेस्

हृदयघातका विरामीलाई चाहिने एप अाफ्नाे माेवार्इलमा डाउनलाेड गरिहाल्नुहाेस्

एप्पल कम्पनीले आफ्नो स्मार्टफोन आईफोनका प्रयोगकर्तालाई लक्षित गरेर हृदयघातका विमारीहरुलाई उपयोगि हुने मोवाइल एपलाई सार्वजनिक गरेको छ ।


कोरी नाम गरेको यो एपलाई एप्पलले केयर किट प्ल्याटफर्ममा पहिलो कार्डियोलोजी ऐपको रुपमा राखेको छ । हृदयघात भएका ब्यक्तिहरुलाई अस्पतालको प्रकृया र स्वास्थ लाभ गर्ने समय आफैंलाई झंझटिलो हुने गर्छ । यही समस्यालाई बुझेर यो एपको निर्माण गरिएको हो ।

 

यो एपको मद्धतले कुनै पनि विमारीले हृदयघात पछि चिकित्सकसंग गर्नु पर्ने भेटघाट, उपचार, उपचार प्रकृया र आफुले अपनाउनु पर्ने जिवनशैलीहरुलाई राखेको छ । यो हेरेर विमारीले आफैंलाई सचेत गराउने एपको निर्माताहरुले बताएका छन् ।

 


अमेरिकाको जोन हप्किन्स युनिभर्सिटीले तयार पारेको यो एपका एक निर्माता विलियम योङका अनुसार हृदयघातवाट बचेका विमारीहरुलाई सन्चो हुन धेरै किसिमको झंझट भोग्नु परेको हुन्छ । हामीले विमारीलाई त्यो बेलामा के के कुराले झंझट भैरहेको हुन्छ त्यो कुरालाई विशेष ख्याल गरेर एपको निर्माण गरेका हौं । यो एप मार्फत् हृदयघात भएका कुनै पनि विमारीले आफ्नो वारेमा ख्याल राख्न सक्छन् ।

 


यो एपको मार्फत् विमारीले आफ्नो उपचार, औषधि विवरण सबै राख्न सक्छ । औषधि कुन समयमा खाने भन्ने कुराको पनि जानकारी आफैं पाउछ । यो वाहेक यो एप चलाउने विमारीले आफुलाई कुन बेलामा विशेष ख्याल राख्नु पर्छ ।

 

के कुरा गर्न हुने के कुरा गर्न नहुने जस्ता कुराहरुको पनि अलर्ट दिने गर्छ । यो एपलाई एप्पलको स्मार्ट वाच मा मोवाइल एपलाई सिंक गरेको खण्डमा विमारीले आफ्नो मुटुको चाल, ब्लड प्रेसरको स्थितीको वारेमा पनि जानकारी आफैं पाउन सक्छ ।