समाचार अर्थ शेयर

शेयर बजार सुधारका माग गर्दै लगानीकर्ताद्धारा नेप्सेमै अनशन 

शेयर बजार सुधारका माग गर्दै लगानीकर्ताद्धारा नेप्सेमै अनशन 

काठमाडौं । शेयर बजारका लगानीकर्ताले शेयर बजार विस्तार र सुधारको माग गर्दै अनशन सुरु गरेका छन् । उनीहरुले दश बुँदे माग राख्दै आइतबार देखि नेप्सेमा लगातार अनशन सुरु गरेका छन् । 

 

शेयर लगानीकर्ता दबाब समूहले  लगानीकर्ताको सम्पति सुरक्षा गर्न सरकार र नियमनकारी निकायहरुलाई दबाब दिन अनशन आयोजना गरेकोे हो ।

 

अनशनमा सहभागी हुन लगानीकर्ता नेप्सेको कार्यालय सिंहदरबार अगाडि पुगेका छन् । यसरी दवाब समूहको ब्यानरमा सुरु भएको अनसनलाई शेयर लगानीकर्ता संघ र नेपाल पूँजीबजार संघले पनि समर्थन जनाएका छन् ।


दबाब समूहका मुख्य दश माग यस्ता छन् :

१. सरकारले पूँजी बजारसम्बन्धी आफ्नो धारणा तथा नीति स्पष्ट गरोस् र बजार सुधार तथा बिस्तारका लागि तत्काल बिशेष कार्यक्रम ल्याओस् ।
२. अनलाईन कारोबार प्रणालीको पहुँच तत्काल आम लगानीकर्तामा पुर्याइओस् ।
३. धितोपत्र बोर्डले तीन बर्ष अघिदेखि गैर आवासीय नेपाली र विदेशमा बस्ने नेपालीलाई पूँजी बजारमा ल्याउन कार्य््िवधि बन्दै गरेको भन्दै आएकोमा तत्काल सो कार्यविधि लागु गरी उनीहरुलाई पूँजी बजारमा भित्र्र्याइयोस् ।
४. शेयर दलाल मार्फत मार्जिन ट्रेडिङ तत्काल खुला गरियोस् ।
५. शेयर धितो कर्जाको सिमा धितो मूल्यांकनको ८० प्रतिशत पुर्याइयोस् र जोखिम भारित अंश १०० प्रतिशत वा सो भन्दा कम कायम गरी सस्तो ब्याजमा कर्जा प्राप्त हुने ब्यवस्था गरियोस् । प्राथमिक पूँजीको २५ प्रतिशतसम्म हैन, कुल कर्जा लगानीको २५ प्रतिशत रकम बैंक तथा बित्तीय संस्थाले शेयर धितो कर्जा प्रबाह गर्नसक्ने व्यवस्था होस् ।

६. धितोपत्र बोर्डले तीन बर्षदेखि भन्दै आएको मार्केट मेकर र डिलरशीपको तत्काल ब्यवस्था होस् ।
७. ग्रेड चार र पाँच रेटिङ प्राप्त गरेका कम्पनीहरुलाई आईपीओ बिक्री गर्न तत्काल बन्देज लगाई जलबिद्युत र अन्य कम्पनीहरुलाई प्रत्यक्ष नियमनकारी निकायको ब्यवस्था भएपछि मात्र आईपीओ ल्याउन पाउने ब्यवस्था गरियोस् ।
८. कम्पनीले हकप्रद शेयर बिक्रीको प्रस्ताब सार्वजनिक गर्नु अगाबै संस्थापक र आधारभुत शेयरधनीहरुले प्रस्तावित हकप्रदको ७५ प्रतिशत रकम जम्मा गरेपछि मात्र प्रस्ताब सार्वजनिक गर्न र साधारणसभामा पेश गर्न पाउने ब्यवस्था गरियोस् ।
९. सहायक कम्पनी खोलेर आवेदन गरेका बाणिज्य बैंकलाई तत्काल ब्रोकर लाइसेन्स दिनुका साथै देशका सबै जिल्ला समेट्ने गरी नयाँ शेयर दलालहरुलाई तत्काल ब्रोकर लाईसेन्स दिएर पूँजी बजारमा देशभरिका जनताको पहुँच कायम हुने ब्यवस्था गरियोस् ।
१०. कम्पनीहरुले एफपीओ बिक्रीको प्रस्ताव गर्दा प्रति शेयर नेटवर्थ भन्दा मूल्य बढी नहुने शर्तमा मात्र स्वीकृत गरियोस् ।