राजनीति भिडियो

मधेसी युवा भन्छन्, ‘मधेसी दलहरु देश टुक्रा पार्ने वृहत तयारीमा छन्’ (भिडियाेसहित)

मधेसी युवा भन्छन्, ‘मधेसी दलहरु देश टुक्रा पार्ने वृहत तयारीमा छन्’ (भिडियाेसहित)

सञ्जीब बिक्रम शाह सप्तरीमा बसेर नेपाली कांग्रेसको राजनीति गरिरहेका छन् । मधेसमा बसेर उनले मधेसको राजनीतिलाई नजिकबाट नियालिरहेका बताउछन् । उनले महशुस गरेका छन्, ‘नेपालको ब्युरोक्रेसीदेखि सरकारी निकायसम्म मधेसी जनताहरुलाई भेदभाव छ । भन्छन्, ‘मधेसी जनतालाई सरकारले नागरिकता बनाउनेदेखि लोकसेवासम्म भेदभाव गरेको छ ।’

नेपालआजसँग कुराकानी गर्दै उनी भन्छन्, ‘सरकारले मधेसी जनताको लागि खुल्ला प्रतिस्पर्धामा जहिले पनि भेदभाव गरेको छ ।’ उनी प्रश्न गर्छन्, ‘मधेसी जनताहरु सक्षम छैनन् र ? किन सेना प्रहरीमा मधेसी जनताको नाम निक्लिदैन् ? लोकसेवाले गर्न खोजेको के हो ? कोटाबाहेक अन्य ठाउँमा मेधसीको नाम किन निक्लिदैन् ।’

उनका अनुसार मधेसका जनतालाई संविधान कसैले बुझाएका छैनन् । उनी कतिपय धाराहरु संशोधन गर्न आवश्यक रहेको बताउछन् । संविधान खारेज गर्नुभन्दा संशोधन आवश्यक रहेको तर्क गर्छन् ।

उनका अनुसार मधेसका जनताहरु मत हाल्न आतुर रहेका छन् । निर्वाचनको विरोध गर्ने दलहरु आफ्नो ठाउमा सही भएपनि उनीहरुले कम सिट ल्याउने शाहको आंकलन छ । सञ्जीव निर्वाचनपछिको मतपरिणाबारे लख काट्दै भन्छन् ‘मधेसमा नेपाली कांग्रेस, एमाले र माओवादी कै वर्चस्व हुनेछ ।’

देशमा संविधान संसोधन नहुने र यस्तै अवस्था रहने हो भने मधेस १० वर्षपछि छुट्टै राज्य बन्ने खतरा रहेको उनको तर्क छ । मधेसबादी दलहरुले मधेसलाई छुट्टै देश बनाउन पहिलादेखि बृहत तयारी गरिरहेको उनी बताउछन् । भन्छन्, ‘ अब मधेसमा जनमत भयो भने , मधेस छुट्टै देश बन्छ ।’

उनी मधेसी जनताहरुलाई देशको हरेक अधिकारहरुको लागि ५० प्रतिशत अधिकार दिएमा नेपालसँग मधेस जोडिएर बस्ने उनले देखेका छन् । बेरोजगार र राज्यको भेदभावकै कारणले मधेस टुक्रने अवस्था आउने उनी बताउछन् ।