अर्थ

उपराष्ट्रपतिदेखि कलाकारसम्म, यसरी उद्घाटन भयो माउन्ट एभरेष्ट ग्रुप (भिडियोसहित)

उपराष्ट्रपतिदेखि कलाकारसम्म, यसरी उद्घाटन भयो माउन्ट एभरेष्ट ग्रुप (भिडियोसहित)

नेपाली बहुराष्ट्रिय कम्पनी माउन्ट एभरेस्ट (एमइ) गु्रपले शुक्रबारबाट आफ्नो सेवा सुरु गरेको छ । काठमाडौंको अन्नपुर्ण होटलमा एउटा कार्यक्रम गर्दै (एमइ) गु्रपले नेपालको पर्यटन लगायत विभिन्न क्षेत्रमा लगानी गर्ने जनाएको छ । केन्द्रीय कार्यालय काठमाडौँ रहेको सो कम्पनीले एमइ ट्राभल एन्ड टुर्स प्रालि नामक कम्पनी खडा विभिन्न जिल्लाहरुमा शाखा सञ्चालन गरि व्यवसाय सुरु गर्ने तयारी गरेको हो । कम्पनीको उद्घाटन उपराष्ट्रपति नन्द बहादुर पुन पासाङ, मन्त्री परिषदका पूर्व अध्यक्ष खिलराज रेग्मी र नायक राजेशले गरे । नायक हमाल एमइ ग्रुपको पार्टनर समेत हुन् । उद्घाटन समारोहमा बोल्दै उपराष्ट्रपति पासाङले एमई गु्रपजस्तो नेपाली कम्पनीले नेपालको पर्यटन क्षेत्रमा कायापलट ल्याउने बिस्वास व्यक्त गरे । त्यसैगरि मन्त्री परिषदका पूर्व अध्यक्ष रेग्मीले नेपालमा लगानी गरेर नेपालमा ठूलो सङ्ख्यामा रोजगार सिर्जना गरेकोमा खुशी व्यक्त गर्दे नेपाललाई विश्वसामु चिनाउन महत्वपुर्ण भुमिका खेल्न आग्रह गरे । ‘नेपालीले नेपालमै’ नारासहित ट्राभल एन्ड टुर्स, होटेल, रेस्टुराँ, शिक्षा, सुपरमार्केट र कृषिलगायत क्षेत्रमा सेवा तथा वस्तुको व्यापारमा लगानी गर्ने सो कम्पनीले जनाएको छ । नेपालसहित एसिया, युरोप, अमेरिका, क्यानडा, अस्ट्रेलियालगायत विश्व बजारमा व्यवसाय विस्तार गरिने कम्पनीका अध्यक्ष कमलराज अधिकारीले जानकारी दिए ।
पहिलो पटक विभिन्न देशमा बस्ने नेपाली व्यवसायीद्वारा संचालित सो कम्पनीले विसं २०८२ सम्ममा देश विदेशमा गरी करिब ५०० नेपालीलाई रोजगारी प्रदान गर्ने लक्ष्य लिएको छ । कार्यक्रममा बोल्दै अधिकारीले नेपाललाई विश्वमा चिनाउन र विश्वका पर्यटकलाई नेपालमा आकर्षित गर्न कम्पनी सुरु गरेको बताए । नेपालको विकासको लागि सम्भावना भएर पनि पछि परेको पर्यटन क्षेत्रलाई विशेष जोड दिई विदेशी लगानी भित्र्याउन कम्पनी लागि पर्ने छ । अध्यक्ष अधिकारीका अनुसार हालसम्म धेरै बहुराष्ट्रिय कम्पनीले नेपालमा शाखा कार्यालय खोलेर मात्र सेवा दिने गरेका छन् । एमइ गु्रपले पहिलो पटक केन्द्रीय कार्यालय काठमाडौंमा राखेर विश्व बजारमा व्यापार सञ्चालन गर्ने योजना कम्पनीले ल्याएको छ । कम्पनिको उद्घाटन समारोहमा जितु नेपाल मुन्द्रे, गायक हिमाल, सागर, तिलक बम मल्ललगातले सास्कृतिक कार्यक्रम गरेर मनोरञ्जन दिएका थिए । कार्यक्रम सञ्चालन नायिका निशा अधिकारीले गरेकी थिइन् ।