राजनीति

झलनाथ खनाललाई राष्ट्रपति , बामदेवलाई चुनाव लडाउने

झलनाथ खनाललाई राष्ट्रपति , बामदेवलाई चुनाव लडाउने

काठमाण्डौ । नेकपा एमाले र नेकपा माओवादी केन्द्रविच गठबन्धनसहित पार्टी एकता प्रक्रियाका मुख्य पात्र बामदेव गौतमले चुनाव हारेपछि अब कसरी व्यवस्थापन गर्ने भन्ने विषयमा एमालेभित्र छलफल चलेको छ । बर्दियाबाट नेपाली कांग्रेसका संजय गौतमसँग चुनाव हारेका बामदेवलाई जसरी भए पनि संसदमा लैजानुपर्ने निष्कर्षमा एमाले पुगेको हो ।

पछिल्लो समय सबैभन्दा उत्तम विकल्पका रुपमा एमाले नेता तथा पूर्व प्रधानमन्त्री झलनाथ खनाललाई राष्ट्रपति बनाउने र उनले चुनाव जितेको क्षेत्रमा बामदेव गौतमलाई चुनाव लडाउने विषयमा छलफल भइरहेको छ ।

जुनसुकै सासंद राष्ट्रपति भए पनि स्वतः संसद पदबाट राजिनामा दिनुपर्ने भएकाले यही उपायलाई उत्तम विकल्पका रुपमा हेरिएको छ । पार्टी अध्यक्ष र प्रधानमन्त्रीसमेत भइसकेका खनाललाई राष्ट्रपति बनाएर व्यवस्थापन गर्ने उपाय पनि राम्रै हुने निष्कर्षमा एमालेका कतिपय नेता पुगेका छन् । स्राेतले बतायाे ।

अरु कुनै विकल्प नभएको खण्डमा खनाललाई राष्ट्रपति बनाएर उनले चुनाव लडेको क्षेत्रमा बामदेवलाई चुनाव लडाउने उपाय ओलीले स्विकार गर्ने अनुमान गरिएको छ ।

खनालले १७ हजार मत अन्तरले जितेकाले त्यस क्षेत्रमा पुनः चुनाव गराउँदा पनि एमालेकै उम्मेदवारले जित्ने प्रबल सम्भावना छ ।
बामदेव गौतमलाई संसदमा लैजान नसक्दा एमाले माओवादीबिचको पार्टी एकता प्रक्रिया नै प्रभावित हुने कतिपयको अनुमान छ । चुनाव हारेपछि निराश बनेका गौतम अबका दिनमा सक्रिय बनाउनका लागि पनि संसदमा लैजाने पहल भएको हो ।

 

विशेष

ADVERTISEMENT