अर्थ ओटोमोबाइल समाचार

कार किन्ने सोचमा हुनुहन्छ, थाहापाउनुहोस् कारको मूल्य कति

कार किन्ने सोचमा हुनुहन्छ, थाहापाउनुहोस्  कारको मूल्य कति
कार भन्नाले विलासिताको सामाग्रीको रुपमा मानिन्छ । बजारमा धेरै थरिका विलासी कार आएका छन्, त्यस मध्य केहि त् नेपालीले किनेर चढ्न एक पटक सोच्नै पर्ने हुन्छ । सन्सारका महंगा कार र तीनका गति बारेमा जान्नुहोस् । बुगाती भेरोन 1 फ्रान्समा निर्माण हुने इटोरी बुगाती कम्पनीले निर्माण गर्ने कार विश्वकै महँगो कारको श्रेणीमा पर्छ । यो कम्पनीले अन्य कार उत्पादकले जस्तो संख्यात्मक बिक्रीमा जोड नदिइ गुणस्तर कायम गरेर थोरै कार मात्र बिक्री गर्छ । बुगातीको भेरोन मोडलको कारको अहिले अन्तर्राष्ट्रिय बजार मूल्य १७ लाख डलर छ । यो कारलाई अहिले सर्वाधिक तीव्र गतिमा गुड्ने कार पनि मानिन्छ । यसले २ दशमलव ६ सेकेन्डमा ६० किलोमिटर प्रति घन्टाको गति लिन सक्छ । यसको गति २ सय ५३ किलोमिटर प्रतिघन्टा छ । लाम्बोर्गिनी रेभेन्टोन 2 इटालीको कार निर्माता कम्पनी लाम्बोर्गिनीले सन् २००८ मा उत्पादन गरेको लाम्बोर्गिनी रेभेन्टोन स्पोर्ट्स कार अहिले विश्वको दोस्रो महँगो कार मानिन्छ । यो कार लाम्बोर्गिनीले उत्पादन गरेका कारहरूमध्ये दोस्रो महँगो कार हो । यो कारले ३ दशमलव ३ सकेन्डमा ६० किलोमिटर प्रतिघन्टाको गति लिन सक्छ भने २ सय ११ किलोमिटर प्रतिघन्टाको गतिमा गुड्छ । यो कारको अन्तर्रा्ष्ट्रिय बजार मूल्य १६ लाख डलर छ । फरारी इन्जो 3 इटालीको कार निर्माता कम्पनी फरारीले उत्पादन गरेको इन्जो कार विश्वको चौथो सर्वाधिक महँगो कार मानिन्छ । २ सय १७ किलोमिटर प्रतिघन्टाको गतिमा कुद्ने यो कार ४ सयवटा मात्र उत्पादन भयो । उत्पादन भएर बजारमा आउँदा ६ लाख ७० हजार डलर मा बिक्री भएको यो कारको मूल्य बढेर अहिले १० लाख डलर छ । म्याकलरेन एफ 4 बेलायतको रेसिङ कार निर्माता म्याक लरेनले सन् १९९४ मा सर्वाधिक तीव्र गतिमा कुद्ने कार निर्माण गरेर आफूलाई सर्वाधिक महँगो कार निर्माताका रूपमा प्रस्तुत गरेको थियो । यो वर्ष भने यो कार निर्माता तेस्रो स्थानमा छ । म्याकलरेनले पछिल्लो समयमा निर्माण गरेको एफ १ कार ३ दशमलव २ सेकेन्डमा ६० किलोमिटर प्रतिघन्टाको गति लिन सक्छ भने यो कार २ सय ४० किलोमिटर प्रतिघन्टाको गतिमा कुद्छ । यसको बजार बजार मूल्य ९ लाख ७० हजार डलर छ । सलिन एस 5 अमेरिकीहरूको चाहनाअनुसार कार निर्माण गर्ने सलिन कम्पनीले निर्माण गरेको ट्वीन टुर्बो विश्वकै तेस्रो तीव्र गतिमा कुद्ने कार मानिन्छ । यो कार चलाउँदा अमेरिकी नागरिक हुनुको गर्व महसुस हुने चर्चा चलेपछि यसले अझ लोकप्रियता पायो । २ सय ४८ किलोमिटर प्रतिघन्टाको गतिमा कुद्ने यो कारको अन्तर्राष्ट्रिय मूल्य ५ करोड ८८ लाख रुपैयाँ छ । एसएससी अल्टिमेट एरो 6 अमेरिकी कार निर्माता एसएससीले निर्माण गरेको अल्टिमेट एरोको उत्पादन पनि निकै कम संख्यामा गरियो । बुगातीको जस्तै २ दशमलव ७ सेकेन्डमै ६० किलोमिटर प्रतिघन्टाको स्पिड लिने यो कार २ सय ५७ किलोमिटर प्रतिघन्टाको गतिमा कुद्न सक्छ । यो कारको अन्तर्राष्ट्रिय बजार मूल्य ४ करोड ५८ लाख रुपैयाँ छ । पागानी जोन्डा सी 7 इटालीका कार निर्माताहरूमध्ये त्यति ठूलो नमानिने कम्पनी पागानीले निर्माण गरेको सी(१२ एफ पाँचौं तीव्र गतिको कार हो । २ सय १५ किलोमिटर प्रतिघन्टाको गतिमा कुद्ने यो कारको अन्तर्राष्ट्रिय बजार मूल्य ४ करोड ६७ लाख रुपैयाँ छ । कोइनिगसेग सिसिएक्स 8 स्वीडेनको कार निर्माता कम्पनी कोइनिगसेसले उत्पादन गरेको सिसिएक्स मोडलको कार अहिले विश्वको चौथो तीव्र गतिमा कुद्ने कार मानिन्छ । २ सय ४५ किलोमिटर प्रतिघन्टाको गतिमा कुद्ने यो कारको अन्तर्राष्ट्रिय बजार मूल्य ३ करोड ८२ लाख रुपैयाँ छ ।

Car Price