ताजा खबर समाचार

पहिरामा चार घर पुरिए

पहिरामा चार घर पुरिए

असार - १६ । दोलखाकाे सुरी गाविसमा गए रातिकाे वर्षापछि अाएकाे पहिराेले चार घर पुरेको छ ।  landslideपहिराले सुरी–३ का दिनेश खड्का, चरित्रकुमार खड्काको दुई वटा र लालकुमार खड्काको घर पहिरोमा पुरिएको जिल्ला प्रहरी कार्यालय दोलखाका प्रहरी निरीक्षक विनोद सुनुवारले जानकारी दिनुभयो । पहिरामा अस्थायी आवाससँगै सम्पूर्ण सम्पत्ति र चौपायासमेत पुरिएपछि उनीहरु बिचल्लीमा परेका छन् ।  त्यसैगरी सुरी–३ का १९ परिवार र सुरी–५ का २१ परिवार पहिराको उच्च जोखिममा रहेको जिल्ला प्रहरी कार्यालयले जनाएको छ । पहिरोबाट सुरी ३ र ५ नं वडाको करिब ८० रोपनी जग्गामा लगाएको मकैबाली पूर्णरुपमा नोक्सान भएको बताइएको छ । पहिराका कारण सोही ठाउँकै कलङ खोला लघुजलविद्युत् आयोजनामा पनि क्षति पुगेको छ ।  वर्षाका कारण लाकुरीडाँडा–९ स्थित झिँगानमा सडक अवरुद्ध भएको छ । सडक अवरुद्ध भएपछि काठमाडौँ जाने र काठमाडौँबाट आएका यातायातका साधन रोकिएको प्रहरीले जनाएको छ । डाँडाखर्क, मेलुङ, मार्बु, खारे, गौरीशङ्कर, चङ्खु, गैरीमुदी, जफेलगायत गाविसका वस्ती पहिराको उच्च जोखिममा रहेको बताइएको छ । रासस

Dolkha Landslide

विशेष