समाचार

आन्तरिक सुरक्षा नीति ल्याउने तयारीमा छौँ – गृहमन्त्री बस्नेत

आन्तरिक सुरक्षा नीति ल्याउने तयारीमा छौँ – गृहमन्त्री बस्नेत
काठमाडाैँ ,१४ ,जेठ गृहमन्त्री  शक्तिबहादुर बस्नेतले सरकारले आन्तरिक सुरक्षा नीति ल्याउने तयारीमा रहेको बताएका छन । गृह पूर्व प्रहरी परिषद् नेपालले आयोजना गरेको ‘राष्ट्रिय सुरक्षा नीतिको प्रभावकारी कार्यान्वयन’ विषय कार्यशालामा गृहमन्त्री बस्नेतले नीति बनाउने मात्रै नभई त्यसको प्रभावकारी कार्यान्वयन गर्नु तत्कालीन आवश्यकता भएको टिप्पणी गरेका छन  । उनले  तत्कालीन अवस्थामा देशको सामाजिक, राजनीतिक, आर्थिक अवस्थाको प्रतिबिम्ब सुरक्षा नीति निर्माणमा पनि पर्ने गरेको बताए  ।राष्ट्रिय सुरक्षा नीति कार्यान्वयन गर्नुपूर्व आजको नेपालको अवस्थाबारे सबैमा समान धारणा आवश्यक रहेकामा  जोड दिएका छन  । पूर्व प्रहरी परिषद्का उपाध्यक्ष पूर्व वरिष्ठ प्रहरी उपरीक्षक डा चूडाबहादुर श्रेष्ठले राष्ट्रिय सुरक्षा नीति र ऐन कार्यान्वयनमा आउन लागेको अवस्थामा यसबारे आमरुपमा बृहत् छलफल आवश्यक रहेको धारणा राखे । कार्यक्रममा नेपाल प्रहरी, सशस्त्र प्रहरी बल, राष्ट्रिय अनुसन्धान विभागका प्रमुख, सांसदहरु, पूर्व प्रहरी अधिकृत, जवान र सुरक्षासँग सरोकार राख्ने निकायका पदाधिकारहरुको सहभागिता रहेको छ । कार्यशालामा सुरक्षासँग सम्बद्ध विभिन्न विषयमा कार्यपत्रसमेत प्रस्तुत गरिएको थियो । रासस