अन्तरवार्ता भिडियो कभर स्टोरी

यो सरकारलाई आफ्नै दम्भले सिध्याउँछ (भिडियोसहित)

यो सरकारलाई आफ्नै दम्भले सिध्याउँछ (भिडियोसहित)

प्रधानमन्त्री केपी शर्मा ओली युरोप भ्रमणमा रहेका बेला नेपालमा भने पश्चिमा प्रभाव सम्बन्धी बहस चुलिएको छ । नेपालको राजनीतिमा अमेरिका लगायत युरोपियन यूनियन (ईयू)ले जबरजस्त हस्तक्षेप गर्न खोजेको र यसले भारत तथा चीनलाई समेत असुरक्षित बनाउन थालेको विश्लेषण गरिएको छ ।

 ">

पत्रकार तथा विश्लेषक गोपाल झाका अनुसार पश्चिमा गतिविधि नेपालका लागि मात्र होइन भारत र चीनका लागि पनि घातका छन् । मुख्यतः तिब्बतको एजेण्डालाई उछाल्न पश्चिमा शक्तिहरु सक्रिय भएको पाइन्छ । अझ धर्म परिवर्तनको अभियानले चीन र भारत दुवैलाई झस्काएको छ । यो काम पनि पश्चिमाहरु गरिरहेका छन् । 

नेपालको राजनीतिमा भारत र चीनको पनि चासो छ । तर, उनीहरुको भन्दा वर्तमान सरकारमाथि पश्चिमा प्रभाव बढी देखिन्छ । प्रधानमन्त्री केपी शर्मा ओली स्वयंको पटक–पटकको युरोप भ्रमण, होली वाइन प्रकरण, विवादास्पद धर्म प्रचार अभियानमा लागेको विश्वविद्यालयबाट विद्यावारिधिको उपाधि, इण्डो प्यासिफिकमा साभेदारी आदि उदाहरणले प्रधानमन्त्रीमा पश्चिम मोह रहेको देखिन्छ । 
तर, यति भन्दैमा यो सरकार पश्चिमाहरु वा अरु कुनै विदेशीबाट संचालित छ भनेर भन्न मिल्दैन । भारत, चीन, अमेरिका होस वा अरु कुनै मुलुक जो भएपनि सरकारले ट्याकल गर्ने क्षमता राख्नुपर्छ । मुलुक र जनता नै पहिलो प्राथमिकतामा रहने भएकाले जे निर्णय हो, आफै गर्नुपर्छ ।

 ">

पश्चिमा राष्ट्रहरुको खेलबारे भारत र चीन पूर्ण जानकार रहेको र यो मामिलामा उनीहरु एकसाथ रहेको विश्लेषक झाको दावी छ । भारतीय प्रधानमन्त्री नरेन्द्र मोदी र चिनियाँ राष्ट्रपति सी जिनपिङको ‘केमेष्ट्री’ मिल्ने र अझ पश्चिमाहरुले आफूहरुविरुद्ध चालेका कदमका बारेमा उनीहरुबीच सल्लाहसमेत भैरहेको उनको विश्लेषण छ । 

दुवै मुलुकले  नेपालमा ‘स्थायित्व’ चाहेकाले उनीहरुले नेपालमा अस्थिरता ल्याउने कुनैपनि काम गर्न नसक्ने झा बताउँछन् । हिजोका दिनमा पनि भारत र चीनले नेपालको अहितमा काम गरेनन्, भोलि पनि गर्न सक्दैनन् । हामीले आफनो कुटनीतिलाई अलि बलियो र चनाखो बनाउनु पर्दछ । 

नेपाल सन्दर्भमा बाबुराम भट्टराई र उपेन्द्र यादवको पार्टी एकीकृत भइ हालै बनेको समाजवादी पार्टी, नेपालको एजेण्डा पश्चिमाहरुको हो कि भन्ने लाग्छ । हो, पक्कै पनि जातीय राज्य बनाउने एजेण्डा पश्चिमाहरुकै हो । तर, अब पश्चिमाहरुले चाहे जस्तो अवस्थामा उपेन्द्र र बाबुराम पनि चल्न सक्ने अवस्थामा छैनन् । 

बाबुराम र उपेन्द्रको पार्टीमा स्पष्ट दुई धार देखिएकाले कुनैपनि बेला संकट आउनसक्ने झाको दावी छ । उनी भन्छन्, ‘सत्तापक्षीय भएर बस्नु पर्दा बाबुराममा पीडा छ । ’

">

सरकार चलाइरहेको नेकपामा पनि विभाजनको स्पष्ट संकेत देखिएको छ । दुवै अध्यक्ष केपी शर्मा ओली र पुष्पकमल दाहाल चरम महत्वाकांक्षी नेता भएकाले उनीहरु लामो समयसम्म एउटै कुर्सीमा बस्न सक्ने छैनन् । 
प्रधानमन्त्री ओलीको अढाइ बर्षे कार्यकाल पूरा भए लगत्तै प्रचण्डले अप्ठ्यारो सृजना गर्ने र त्यो कुरा नमाने प्रचण्डले जस्तोसुकै निर्णय पनि लिन सक्ने झाको बुझाइ छ । 

वर्तमान सरकार र सत्तारुढ दल नेकपामा दुई तिहाइको दम्भ दिनप्रतिदिन बढ्दै जानु मुलुककै लागि दुर्भाग्य भएको छ । यो सरकारले आज जतिपनि काम अघि बढाएको छ, सबै विवादमा परेका छन् । 

एउटा यस्तो विधेयक छैन, जो विवादमा नपरेको होस । यो सबै आवश्यक गृहकार्य नगरेकाले भएको हो । सरोकारवाला पक्षसंग छलफल नै नगरी यो ढंगले काम गरेपछि विरोध हुँदैन ? यो सबै दम्भ हो । दम्भले अन्त्यमा आफैलाई खान्छ । 
">

प्रधानमन्त्री केपी शर्मा ओली भारत र चीन