कभर स्टोरी कला साहित्य

प्रेम प्रस्ताव राख्नेलाई ‘ब्लक’ गर्छु, यौनको उन्माद छैन

प्रेम प्रस्ताव राख्नेलाई ‘ब्लक’ गर्छु, यौनको उन्माद छैन

आफना गीत, कविता तथा गजलबाट सामाजिक सन्देशसहित समाज रुपान्तरणमा कटिबद्ध कवि तथा संस्कृती अन्वेषक हेमन्त विवश यसपटक प्रेम र यौनका बिषयमा समेत पोखिएका छन् । 

 

भ्यालेन्टाइन डे अर्थात प्रणय दिवसको सन्दर्भमा हामीले विवशसंग गीत, संगित, साहित्य तथा प्रेम र यौनबारे खुलेर कुराकानी गरेका छौं । 


विवशले  आफनो मात्र होइन हाल अस्वस्थ रहनु भएका प्रा.डा. डीपी भण्डारीको प्रेम जीवनका केही पक्षको खुलासासमेत गरेका छन् । विवश डा. भण्डारीका मृगस्थलीबाहेकका सबै पुस्तकका सम्पादकसमेत हुन् । 

 


सृजनाबाट समाज रुपान्तरण


कवि विवश पछिल्लो समय कवितामार्फत सुदूरपश्चिमको कला, संस्कृति, रहनशहन र भेषभुषाको प्रचारप्रसार गरिरहेका छन् । डोटी जन्मघर भएका विवशको साहित्यको थालनी छन्दका कविताबाट भएको हो । तर, हाल देशब्यापी एकल कविता वाचन कार्यक्रममा भने उनले पद्य भन्दा गद्यका कवितका बढी सुनाए । उनका अनुसार गद्य कवितामा पनि गजबको छन्द मिसिएको हुन्छ । 

 


आफूले देशका बिभिन्न स्थानमा एकल कविता वाचन कार्यक्रमबाट समाज नै परिवर्तन गर्न नसकेपनि मानिसलाई झकझक्याउन भने सफल भएको उनी बताउँछन् । 

 


ठाडी भाका पनि डेउडा 


पछिल्लो समय के आधुनिक, के पप, के दोहरी, के चलचित्र सबैतर्फ डेउडा गीत प्रयोग हुने गरेको छ । यसको लोकप्रियता ब्यापक छ तर ठाडी भाकाको प्रयोग भने घट्दो छ । भेडी खर्के साहिंलादेखि बीमाकुमारी दुरासम्मले गाउने ठाडी भाका र सुदूरपश्चिममा डेउडाको ठाडी भाकाबीच धेरै समानता रहेको विवशको बुझाइ छ । 

 


डेउडा गीतको संरचना र यसको खेलमा नियम भएपनि ठाडी भाका पनि डेउडा भित्रै पर्ने उनी बताउँछन् । 

 


साहित्य र प्रेम

 

विवशका अनुसार अक्सर साहित्यकार तथा कलाकार रसिक हुने र त्यही रसिकपनका आधारमा मानिस प्रेमतर्फ बढी झुक्ने गर्दछ । नेपालमा मात्र होइन बिश्वका प्रतिष्ठत साहित्यकारहरुका अनौठा प्रेमका कथा रहेको उनी स्वीकार्छन् । 

 


म प्रेमी हुँ तर प्रेम स्वीकार छैन


विवश अनौठा मान्छे छन् । उनलाई आफूलाई कसैले प्रेम गरोस भन्ने चाहना छ, तर फेसबुक म्यासेन्जर वा कुनै माध्यमले कसैले उनीसामु प्रेम व्यक्त गरे त्यो उनलाई सहन हुँदैन । उनले दर्जनौ यस्ता प्रेम प्रस्ताव राख्ने महिलालाई फेसबुकमा ब्लक गरेका छन् । विवाह अघि र विवाह पछिको आफनो आनीबानीसमेत बदलिएको उनको अनुभव छ । 

 


डीपी भण्डारीका सयौं प्रेमिका
प्रा.डा. डीपी भण्डारी हाल अस्वस्थ छन् । उनी बिर्षने रोग अर्थात अल्जाइमरबाट ग्रसित छन् । उमेर ८२ काटेका भण्डारीको नयाँ पुस्तक बजारमा ल्याउने अन्तिम तयारीमा विवश लागेका छन् । 

 


जतिबेला डा. भण्डारी हिंडडुल गर्न सक्थे, बोल्न सक्थे त्यो बेला उनका भाषण, लेख सदैव चर्चामै हुने गर्दथे । कुनै सार्वजनिक मञ्चमा पहिलो पङ्तीमा सुन्दर महिलाहरु भएनन् भने उनलाई भाषणको मुड नै बन्थेन । 


दार्शनिक ओशोका प्रवचनमा पनि बिभिन्न ठाउँमा भण्डारीको नाम उल्लेख भएको पाइन्छ । भण्डारीको मृगस्थली पुस्तकको बिमोचन गर्दा त तत्कालिन प्रधानमन्त्री गिरिजाप्रसाद कोइरालाले भण्डारीले भने आफू नर्क जान पनि तयार रहेको अभिव्यक्ति दिएका थिए । 



भण्डारीका निकै निकटका मित्र रहेका विवशका अनुसार भण्डारीका लेखमा प्रयोग हुने अधिकांश महिलाहरुको नाम उनका प्रेमीका हुन् । ती नाम कतिपय वास्तविक हुन भने कतिपय नाम परिवर्तन, तर कथा यथार्थ । 
‘भण्डारीले जीवनमा थुपै्रलाई प्रेम गरे । भण्डारी असल प्रेमी हुन् ।’ विवश बताउँछन् ।